NITATENGENEZA MANATI

Baada ya kutibiwa kwa muda mrefu katika hospitali ya wenye matatizo ya akili, hatimaye madaktari wakaona kuwa Mwaki kapona, wakamuita kwa ajili ya usaili wa mwisho. Akaulizwa ukitoka hapa utafanya nini? Mwaki akajibu, ‘Ntaenda kutengeneza manati halafu ntakuja kuvunja vioo vyote vya hospitali yenu hii’ Hapo hapo akarudishwa hospitali. Baada ya miezi sita akarudishwa tena kwenye usaili matokeo yakawa yaleyale. Aliporudishwa hospitali tena, mgonjwa mwenzie akamuuliza kwani wamekuuliza nini, Mwaki akaelezea mkasa mzima mwenzie akamwambia usiwe unajibu hivyo we wajibu mambo mazuri watakuachia. Ilipokuja zamu ya Mwaki kusailiwa tena alifika akiwa mpole na mtulivu, usaili ukaanza tena.

DOKTA: Mwaki ukitoka hapa utafanya nini?

MWAKI: Kwa kweli nikitoka hapa nitaenda kutafuta kazi kisha nitengeneze maisha yangu halafu nitafute mwanamke nimuoe

DOKTA: Safi sana kwa kweli naona kabisa wewe umepona. Je una mpango gani baada ya hapo?

MWAKI: Nitahakikisha namnunulia mke wangu nguo nzuri na mwisho nitamnunulia chupi, nitautoa mpira wa chupi moja halafu nitatengeneza manati, kisha nitakuja kuvunja vioo vyote vya ki'hospitali chenu hiki.